لِعنبو جدّ الحزن مابه مفكّة !
يُوم كنّا بالربيع صَاحوا بي :
شِقّه !
شقّ ثُوب الهم مَع ذا الحزن يَ خُويه وعيش
عيش يُومك بِ السعاده وَالرفاه والبنين
وَلاكبرنـا
وإنغزا هَالشعر الأبيّض وَالتجاعيد إتّمَايل
فُوق جفن العين وَالجبهه وَإنحناء الظهر
مَع عَكّاز جَدّه !
عَاود الحزن بيلملم شيبتي مع ألف دَمعة
لعنبو جد الحزن مَابه مفكه !
أتعب وأَشقى ، وَأعمل والحياة كلّها مشقّه !
ينتهي حَالي عَلى كرسي وَخبزه عَلى صينيّة مكسوره
وجرة ماء يسكنهـا الرمل وأعطش
وَلا ألقى من اللي يروي فوادي بقطرة ماء
وانا اللي من قريب اعوام ، أعاند دنيتي وأسعى
مَ أنام الليل وأفكر
وش اللي يسعد عيالي !
حسافة يَا السنين اللي تَعبت أشقى لهم وَأسعى
حَسافة كيف يَ ربي ، كذا ينسون ؟
كذا ينسون من ربى
كذا ينسووون !
نشف حبر الورق والدمع عيّا ينتهي نوحه
عليك الله يَا ولدي
عليك الله يَ القاسي
تصّبر ، .. تصبّر كلها أعوام
وتورث منيّ الكرسي ،
وتاكل من خبز يابس
ولا تنسى
هذيك الجره نظّفها ، وأشرب منهـا ولدي
هنا بتكون !
مثل ما كنت أنا بتكون
قسيت وقد نسيت أنه مثل ما دنت يا وليدي تراك تدان !
تصبّر .. كلها أعوام ..
هنا تُرمى .. وَهنا بتكون ..
ليست هناك تعليقات:
إرسال تعليق